القائمة الرئيسية

الصفحات

بالفيديو .. زوجة عدوية تبكى على الهواء بعد مطالبة حلمى بكر باعتزاله:"بطل و مكافح فاتح بيته"

زوجة-احمد-عدوية-تبكي-علي-الهواء-بعد-تطاول-حلمي-بكر-كالتشر-عربية


زوجة عدوية تبكى على الهواء بعد مطالبة حلمى بكر... من طرف youm7

انخرطت نوسى زوجة الفنان أحمد عدوية ، فى البكاء خلال مداخلة هاتفية لبرنامج "العاشرة مساء" ، مع الإعلامى وائل الإبراشى ، بعد مطالبة الموسيقار حلمى بكر لزوجها باعتزال الغناء.

وأشارت زوجة الفنان أحمد عدوية، إلى أن حلمى بكر كان قاسياً على زوجها ، لأن أحمد عدوية "لا يأكل الكلام ، و نفسه ماتقطعش ، و هنثبت الكلام دا كله لجميع المشاهدين و العالم العربى بشريطه اللى نازل قريب فى الأسواق ، وبعدين عاوزة أسمع رأيه تانى".

وتابعت:" حلمى بكر أستاذنا و رأيه فوق راسى ، بس حلمى مش حاسس إن أحمد عدوية راجل بطل و مكافح و فاتح بيته لغاية الآن من الغنا بتاعه ، وهو مجاهد وواقف على رجله ، تعالى يأ أستاذ حلمى شوف النقابة يتاعة حضرتك وافتح بيت أحمد عدوية ، دا بدل ما تشجعه و تقوله برافو عليك يا جندى ياللى واقف على رجلك عشان تفتح بيتك ، و متمدش إيدك لأى بنى آدم" ، مردفة :"فى يوم لما كان عدوية فى غيبوبة بعتت له النقابة ألفين جنيه ، قالى خديهم هتعملى ايه أى حاجة تسندك".

قال الموسيقار حلمى بكر، إنه يقسو لكى يشفق على أحمد عدوية عند مطالبته له باعتزال الفن، مضيفاً أن له قيمة عند الجماهير عند ظهوره، وجاءت له حالة مرضية، وأى مطرب له عوامل زمنية وعمرية.

وتابع: "هناك صوتان أيضاً هيبطلوا الأغانى غصب عنهم، خلال السنتين الجايين، لأن عندهم مشكلة فى الأحبال الصوتية"، مشيراً إلى أنه يتحدث عن الأصوات علمياً.

واستطرد :" أنا هبطل المهنة دى وكل اللى اتعلمته أرميه فى الزبالة، لو نجح ألبوم عدوية، وأشتغل تمرجى".

التنقل السريع