القائمة الرئيسية

الصفحات

بالفيديو .. سيدة تنهار من البكاء: يا شيخ الأزهر الطلاق الشفهي دمر حياتي

الإمام الأكبر الدكتور أحمد الطيب شيخ الأزهر
انهارت سيدة تدعى "منى"، من البكاء على الهواء خلال مداخلة هاتفية ببرنامج "لعلهم يفقهون"، مع الشيخ خالد الجندي، المذاع على فضائية "DMC"، قائلة: "أنا مش عارفة إيه موقفي؟ أنا مطلقة شفهي، وزوجى سابني أنا وعيالي من غير مصاريف، ومش عارفين هنعيش إزاي، والشيوخ بيقولولي إنتي كده طالق، والمحاكم لا تعترف إلا بالورق".

ووجهت المتصلة، رسالة إلى الإمام الأكبر الدكتور أحمد الطيب شيخ الأزهر، قائلة: "يا شيخ الأزهر أنا لازم يكون في حل، اللي شايفاه على أرض الواقع المحاكم بتقولي معاكي القسيمة، يبقى إنتي طالق، لو مش معاكي القسيمة يبقى يصرف عليكي وعلى عيالك، بيوتنا بتتخرب عشان الرجالة بتطلقنا بالبوق، ويسيب الدنيا ومش عارفين نثبت حقوقنا".

ومن جانبه، قال الشيخ خالد الجندي، عضو المجلس الأعلى للشئون الإسلامية، إن فضيلة الإمام الأكبر أحمد الطيب شيخ الأزهر، ينادى الجميع بمراعاة ضميرهم وتوثيق الطلاق، مشيرًا إلى أنه لا يعترف بالطلاق الشفهي، وإنه لا يقع، ولا طلاق إلا بالتوثيق مثل الزواج.